ગુંદા આમ તો ચીકણા હોય છે પણ તેનું અથાણું બિલકુલ ચીકણું લાગતું નથી અને ભાખરી, પરાઠા અને રોટલી જોડે ખાવાની બહુ જ મજા આવે છે. વળી ગુંદા નું અથાણું ફ્રીઝ માં રાખવા થી ગુંદા કડક જ રહે છે અને જરા પણ ઢીલા પડતાનથી. આખું વર્ષ અથાણું સારું જ રહે છે. અથાણું જો ફ્રીઝ માં રાખવું હોય તો તેલ ખાલી ગુંદા ડૂબે એટલું જ નાખવું. જો તમારે એને બહાર રાખવું હોય તો વધારે તેલ નાખવું જેથી અથાણું બગડી ના જાય. તો આથાણા ની સીઝન માં શીખી લો ગુંદા નું અથાણું બનાવાની રીત.

સામગ્રી

• ૫૦૦ ગ્રામ ગુંદા
• ૨૫૦ ગ્રામ કાચી કેરી
• ૨૦૦ ગ્રામ અથાણાં નો મસાલો
• ૧૫૦ ગ્રામ તેલ
• ૧/૨ ચમચી હિંગ
• ૨ લીંબુ નો રસ
• ૧ ચમચી હળદર
• મીઠું સ્વાદ મુજબ

બનાવાની રીત

• ગુંદા ને ધોઈ ને બરાબર કોરા કરી લેવા.
• ત્ગુંયારબાદ ગુંદા માંથી ઠળિયા કાઢી લેવા.
• હવે એક વાસણ માં લીંબુ નો રસ, હળદર, ૧ ચમચી મીઠું અને ૧/૪ કપ પાણી મીક્ષ કરો
• હવે ઠળિયા કાઢેલ ગુંદાને આ પાણી માં બોળી ને ધોઈ લો પછી બધું પાણી નિતારી લો અને એક બાજુ કોરા થવા મૂકી દો
• આવી રીતે બધા ગુંદા ને પાણી થી સાફ કરી લો જેથી ચિકાસ નીકળી જાય
• કેરી ની છાલ ઉતારી લો અને તેને ખમણી લો
• એક વાસણ માં ખમણેલી કેરી, અથાણાં નો મસાલો અને જરૂર પૂરતું મીઠું મીક્ષ કરો
• આ મસાલા ને ગુંદા માં ભરી લો અને વધેલો મસાલો ઉપર થી ગુંદા માં મીક્ષ કરો
• હવે એક વાસણ માં તેલ ગરમ કરી લો અને તેમાં હિંગ ઉમેરી ગેસ બંધ કરી દો
• આ તેલ ઠંડુ થઇ જાય પછી ગુંદા ના અથાણાં માં ઉમેરી દો
• ત્અયારબાદ અથાણું ઢાંકી ને ૩-૪ દિવસ રહેવા દો
• તૈયાર છે ગુંદા નું અથાણું

Thank you for reading this post, don't forget to subscribe!