સામગ્રી
- ૧૦ કપ સમારેલી પાલક (4 જુુડી )
- ૧ ૧/૨ કપ પનીર ના ટુકડા
- ૨ ટેબલસ્પૂન તેલ
- ૩/૪ કપ ઝીણા સમારેલા કાંદા
- ૧ ટેબલ સ્પુન લસણ ખમણેલુ
- આદુનો ટુકડો , ખમણેલું
- ૨ લીલા મરચા ઝીણા સમારેલા
- ૧/૨ ટીસ્પૂન હળદર
- ૩/૪ કપ ટામેટા ની ગ્રેવી
- મીઠું સ્વાદાનુસાર
- ૧ ટીસ્પૂન પંજાબી ગરમ મસાલો
- ૨ ટેબલસ્પૂન તાજું ક્રીમ
બનાવવાની રીત
- પાલક પનીર ની રેસીપી બનાવવા માટે, પાલકને ઉકળતા પાણીમાં ૨ થી ૩ મિનિટ સુધી ઉકાળી લો.
- તે પછી તેને ઠંડા પાણીમાં નાંખીને ઠંડી થવા માટે થોડો સમય બાજુ પર રાખો.
- હવે આ પાલકને મિક્સરમાં ફેરવી ગ્રેવી બનાવી બાજુ પર રાખો.
- એક કઢાઇમાં તેલ ગરમ કરી તેમાં કાંદા મેળવી મધ્યમ તાપ પર કાંદા બ્રાઉન થાય ત્યાં સુધી સાંતળી લો.
- તે પછી તેમાં લસણ, આદૂ, લીલા મરચાં અને હળદર નાખી મધ્યમ તાપ પર ૧ થી ૨ મિનિટ સુધી સાંતળી લો.
- તે પછી તેમાં ટમેટાની ગ્રેવી ઉમેરી મિશ્રણમાંથી તેલ છુટું પડે ત્યાં સુધી સતત હલાવતા રહી સાંતળી લો.
- તે પછી તેમાં પાલકની ગ્રેવી અને ૨ ટેબલસ્પૂન પાણી મેળવી સારી રીતે મિક્સ કરી મધ્યમ તાપ પર ૨ મિનિટ સુધી રાંધી લો.
- તે પછી તેમાં મીઠું, પંજાબી ગરમ મસાલો અને તાજું ક્રીમ મેળવી સારી રીતે મિક્સ કરી લો.
- છેલ્લે તેમાં પનીર મેળવી હળવે હાથે મિક્સ કરી મધ્યમ તાપ પર ૧ થી ૨ મિનિટ સુધી રાંધી લો.
- પાલક પનીર નાન અથવા રોટી સાથે પીરસો.
Thank you for reading this post, don't forget to subscribe!