ચાલો બનાવીએ હવે ઘરે મગ ની દાળ નો શીરો ગુજરાતીઓ ની ફેવરીટ

સામગ્રીઃ
100 ગ્રામ ક્રશ કરેલી મગની દાળ (ફોતરા વિનાની)
75 ગ્રામ ઘી

75 ગ્રામ ખાંડ
1 કપ દૂધ
1.5 કપ પાણી
એલચી પાવડર

બદામ પીસ્તા ની કતરણ

મગની દાળ કેવી રીતે તૈયાર કરવીઃ
મગની દાળનો શીરો બનાવવા માટે પહેલા તો ધ્યાન રાખો કે દાળ બરાબર પલળી છે કે નહિ. દાળ છોતરા વાળી હોય તો હલવો બનાવતા પહેલા રગડી રગડીને તેના છોતરા કાઝી નાંખો. આમ કરશો તો શીરો કરકરો નહિં લાગે અને એકદમ સ્મૂધ બનશે.
મગની દાળને પીસવાની રીતઃ
મગની દાળને મિક્સરમાં પીસો ત્યારે ખાસ ધ્યાન રાખો કે તે એકદમ બરાબર  પીસાય. જો તે બારીક નહિં પીસાઈ હોય તો હલવો સોફ્ટ નહિ બને. આથી શીરો બનાવતા પહેલા આટલી તૈયારી કરવામાં ખાસ ધ્યાન રાખવું.
શેકવાની રીતઃ
પેનમાં ઘી ગરમ થાય ત્યાર બાદ તેમાં ક્રશ કરેલી મગની દાળને શેકો દાળ લાઈટ બ્રાઉન રંગની થાય ત્યાં સુધી તેને શેકવી. ખાસ ધ્યાન રાખો કે શીરો શેકવા માટે પહોળી કડાઈ જ લો. આવી કડાઈમાં શીરો નીચે ચોંટવાનો ડર ઓછો રહે છે.

ખાંડ ક્યારે ઉમેરવી?
દાળ બરાબર શેકાઈ જાય પછી તેમાં ગરમ કરેલુ દૂધ અને પાણી નાંખો.ઘણા લોકો દૂધ-પાણી ઉમેર્યા પછી તરત જ ખાંડ ઉમેરી દેતા હોય છે. પણ જ્યારે હલવો ઓછો ચીકણો લાગવા માંડે પછી જ તેમાં ખાંડ ઉમેરો આમ કરવાથી હલવો માપસરનો ગળ્યો બનશે.

સજાવટઃ
શીરામાં ઘી છૂટુ પડવા માંડે એટલે તેમાં એલચીનો પાવડર મિક્સ કરો અને ઉપર બદામ-પિસ્તાની કતરણથી તેને સજાવો. તમારો મગની દાળનો શીરો તૈયાર છે.

Thank you for reading this post, don't forget to subscribe!