સામગ્રી :
- ૧ કપ ચણાની દાળ
- ૧/૨ કપ સમારેલા કાંદા
- ૧/૨ ટીસ્પુન આદુ ની પેસ્ટ
- ૨ ટેબલસ્પુન સમારેલી કોથમીર
- ૧ ટેબલસ્પુન સમારેલા કડી પતા
- ૨ ટીસ્પુન લાલ મરચું પાવડર
- ૧/૨ ટીસ્પુન હિંગ
- ૧/૪ ટીસ્પુન હળદર
- મીઠું સ્વાદાનુસાર
- તેલ (તળવા માટે )
બનાવાની રીત :
ચણાની દાળને સાફ કરી , ધોઇને એક ઊંડા બાઉલમાં જરૂરી પાણી સાથે ૨ કલાક પલાળી રાખ્યા બાદ નીતારી લો .હવે આ પલાળેલી દાળનો ચોથો ભાગ એક બાઉલમાં કાઢી બાજુ પર રાખો .
દાળના બાકી રહેલા ભાગને પાણી મેળવ્યા વગર મિકસરમાં ફેરવી કરકરૂ મિશ્રણ તૈયાર કરો . આ મિશ્રણને એક ઊંડા બાઉલમાં કાઢી , તેમાં બાકી રહેલી સામગ્રી સાથે અલગ કાઢેલી દાળને પણ મેળવી , સારી રીતે મિક્સ કરી લો .
આમ તૈયાર થયેલા મિશ્રણના એક સરખા ભાગ પાડી દરેક ભાગને નાના અને મીડીયમ સાઈઝ ના ગોળાક બનાવીને વડા તેયારી કરી લો .હવે એક નૉન – સ્ટીક કઢાઇમાં તેલ ગરમ કરી તેમાં થોડા – થોડા વડા નાખી મધ્યમ તાપ પર વડા બન્ને બાજુએથી ગોલ્ડન બ્રાઉન થાય તે રીતે તળીને ટીશ્યુ પેપર પર કાઢીને સૂકા કરી લો . લીલી ચટણી સાથે તરત જ પીરસો .
Thank you for reading this post, don't forget to subscribe!