દરેક બાળકોને દરરોજ અલગ અલગ નાસ્તો ખાવાનું મન થતું હોય છે તો આજે બનાવો બાળકોને મનપસંદ રેસિપી મેથી મકાઈના ઢેબરા
મેથી મકાઈના ઢેબરા બનાવવા માટે રેસિપી નોંધી લો
સામગ્રી:
- ૧ કપ ઝીણી સમારેલી મેથી,
- ૧ કપ મકાઈનો લોટ,
- ૧/૪ કપ બાજરીનો લોટ,
- ૧/૪ કપ ઘઉંનો લોટ,
- ૧/૪ કપ રવો,
- ૧/૪ કપ જુવારનો લોટ,
- ૧/૪ ટી સ્પૂન હળદર,
- ૧ ૧/૨ ટી સ્પૂન તલ,
- ૨ ટીસ્પૂન લીલા મરચાની પેસ્ટ,
- ૧/૨ ટીસ્પૂન આદુની પેસ્ટ,
- ૧/૨ ટીસ્પૂન લસણની પેસ્ટ,
- ૧ ટેબલસ્પૂન સાકર,
- ૧/૪ ટીસ્પૂન હીંગ,
- ૨ ટેબલસ્પૂન દહીં,
- ૧ ટેબલસ્પૂન તેલ, મીઠું સ્વાદાનુસાર,
- તળવા માટે તેલ..
મેથી મકાઈના ઢેબરા બનાવવાની રીતઃ
એર ઉંડા બાઉલમાં બધી વસ્તુઓ ભેગી કરી તેમાં જરૂરી પાણી મેળવી બહુ કઠણ નહીં અને બહુ નરમ નહીં એવી કણિક તૈયાર કરો. આ કણિકના ૩૦ સરખા ભાગ પાડી લો. દરેક ભાગને તમારી હથેળીમાં લઈ ધીમે ઘીમે હાથ વડે થાબડતા ૧ સે.મી.
જાડાઈના અને ૫૦ મી.મી. વ્યાસના ગોળાકાર ઢેબરા તૈયાર કરો. એક ઉંડા નોન-સ્ટીક પેનમાં તેલ ગરમ કરી તેમાં એક સાથે થોડા-થોડા ઢેબરા નાખીને મધ્યમ તાપ પર તેને બન્ને બાજુએથી ગોલ્ડન બ્રાઉન થાય ત્યાં સુધી તળી લો. તે પછી તેને ટીશ્યુ પેપર પર મૂકી સુકા થવા દો. આમ તમે એક સાથે ૬ થી ૭ ઢેબરા તળી શકશો. તરત જ પીરસો અથવા સંપૂર્ણ ઠંડા પાડીને હવાબંધ બરણીમાં ભરી ૨ દિવસની અંદર તેનો ઉપયોગ કરો.
આ પણ વાંચો
- રગડા પાવ બનાવવા માટેની રેસિપી | ragada pav recipe | red katka
- ચણા મેથી કાચી કેરીનું અથાણું બનાવવાની રીત
- છાસમાં વઘારેલી રોટલી બનાવવાની રીત | છાસ વારી રોટલી | ગુલાબચટ્ટો રેસીપી | vaghareli rotli | વધેલ રોટલીની રેસીપી | રોટલીની રેસીપી
- ચટપટા પોટેટો બોલ બનાવવાની રેસિપી વાંચવા ફોટા પર ક્લિક કરો
- બટાકાનો ફરાળી ચેવડો બનાવવાની રીત
Thank you for reading this post, don't forget to subscribe!